Bermeoko Udalak Nestor Basterretxea omenduko du

Bermeoko Udaletik maiatzaren 4a, zapatua, aukeratu da Basterretxearen jaiotzaren mendeurrena ospatzeko. Goizean zehar, Barrueta Arte Elkarteko kideek Nestor Basterretxea omentzeko marrazkiak egingo dituzte Frantziskotarren klaustroan, bermeotarraren Hilarriak artelanen artean. 11:00etan, Nestor Basterretxea 100 urte erakusketaren inaugurazio ekitaldia egingo da, Nestor Basterretxea aretoan. Erakusketa horretan egongo dira ikusgai, bere lagunak izan diren bermeotar batzuei Nestorrek berak oparitutako artelanak; “inoiz ikusi ez diren lan harrigarriak”. Maiatzaren 4tik 12ra bitartean bisitatu ahalko da erakusketa. Beranduago Nestorren lagunak solasaldia eta bideo emanaldia egongo dira. 13:00etan, Frantziskotarren klaustrora lekualdatuko da ospakizuna, bertan egingo baita omenaldia, Hildakoen Estela seriearen inguruan.

• Albistea ikusi